|
|
|
|
|
| Riyadh Bride | |
 |
|
 |
|
 |
 |
 |
 |
|
|
|
|
|
|
المنتدى
خاص في النساء ,,
نعتذر عن تسجيل
الرجال
لزيارتنا مره أخرى أكتبي (
عروس الرياض النسائية ) في محرك البحث
قوقل
|
|||||||
| مكياج العروس - نصائح للمكياج - دورات مكياج - خبيرات تجميل خاص في مكياج العروس , ونصائح لأفضل مكياج , وكتالوجات للماكياجات , وأفضل مشاغل الرياض , مكياجي , وجوه , فايسس , نكتار , نكتارين , المصباح , خبيره تجميل , حنان دشتي , خبيرة التجميل البحرينيه نهاد , لخبيرة التجميل الآء دشتي , مكياج خبيرة التجميل منى حرافشه , مكياج سعودي , مكياج بحريني , مكياج اماراتي , مكياج عماني , مكياج يمني , مكياج عراقي , مكياج سوري , مكياج كويتي , مكياج خليجي , مكياج عيون , مكياج سهرات , مكياج عروس , مكياج لبناني , مكياج اوروبي , مكياج امريكي , مكياج اسيوي , نرمين مبروك , خبيرة التجميل , نادية الشطي , الهام اللامي , خبيرة التجميل القطرية منيرة الانصاري , خبيرة التجميل المصرية نرمين الخطيب ، خبيرة التجميل ليلى العرادي , خبيرة التجميل عبير الياسين , خبيرة التجميل البحرينية ابتسام كمال , مكياج خبيرة التجميل البحرينية عايشة بو حمود , خبيرة التجميل ميعاد الحمادى , خبيرة التجميل نجلاء حراز , خبيرة التجميل ظبيانيه , خبيرة التجميل منى الجميع , خبيرة التجميل السعوديَّة رانيا ابو سعود , جويل مردينيان العمل كخبيرة تجميل , ستايلك , حراير , برامج جمال , حمام مغربي , مكياج للعيون 2011 , مكياج للعين 2011 , صور مكياج 2011 , دروس مكياج 2011 , تعلميم مكياج 2011 , أحدث صيحات المكياج من خبراء التجميل , طرق وأساليب وخطوات وضع المكياج , نصائح قبل وضع المكياج , الطرق الصحيحة لإزالة المكياج , كيفية المحافظة على أدوات المكياج |
 |
|
|
LinkBack | أدوات الموضوع | طريقة عرض الموضوع |
09-16-2010, 01:44 PM
|
#1 | |
  
|
مثبتات الميك اب .. مثبتات المكياج
السلام عليكم اليوم جبت موضوع لكل الي سالوني عن مثبتات الميك اب والشدو و وجمعت لكم كل الشغلات الي تثبت الميك اب ونفس الوقت استخدامها بسيط وعملي واكيييييييد حطيت لكم خلطات دآني السريه  :: :: :: اول شغله ابي اتكلم عنها اهو البيس او الاساس والبرايمر الي ينحط قبل الميك اب شنو اهو البيس والبرايمر :: اهو عباره عن كريم وساعات ايج كريم مكس مع فاونديشن وفي بعض الاحيان اي على شكل جل يتوزع على كامل البشره ويتركها مستعده لوضع الميك اب عليها لاان يترك البشره نضيييفه وخاليه من الدهون ومسفلته والحلو انها بنفس الوقت ترطب البشره وتصصح العيوب مثل البشره المحفره او المسام المفتوحه تغطيها كلها والاحلى انها تثبت الاساس والميك اب لفتره اطول وطبعا في انواع وايد وبكل ماركه بس انا يبت لكم اكثر الانواع المنشره والي سعرها مناسب واستخدامها عملي ومو صعب SKIN BASE & PRIMER MAC SKIN BASE  Skin base واهو حاله حال اي كريم بيس ينحط قبل الميك اب اول شي لاانه بيقلل من الافرازات الدهنيه وبترك البشره رطبه وبنفس الوقت ينشف يعني ماله اثر دهني وهاي صورته وتوزعينه على البشره كاي كريم ويفضل يفضل بتجاه شعره ويهج  واذا تبين ميك ابج يكون تمام وثابت لا تستغنين عن الكريم المرطب والبييييييييس واهو جدا مهم في ثبات الفاونديشن والميك اب ككل وثاني شغله من ماك الآين فيلر  Line filler واهو يستخدم لاخفاء الخطوط التعبيريه والتجاعيد الي بمنقطه الشفايف او العين ومن اسمه اهو يعبي هالخطوط ويخفيها قدر الامكان ومو شرط ماك في ماركات ثانيه ويمدحون وايد جفنشي والي تعاني من التجاعيد او الخطوط التعبيريه انصحها تستخدمه بس حطي في بالج انه بيقلل من شكلها بس مابيمسحها خير شر يعني خلكم واقعين مو مسحه نبي تحطينه الا بشرتج صافيه  ونفس الشغله تلاقونها بلسكن بيس تبع ميك اب فور ايفر  سماش بوكس الكل يمدحه بس ماجربته  كريولاين الترا بيس فاونديشن يصلح للحفلات ويساعد انه يعطيج بشره متجانسه وفل كفر مضبوووط  من بنفت "" اسمه ذات جال "" ميزته يسفلت الويه وبالذات للي مسام بشرتهم مفتوحه وباينه اهو يعبيها لاان فيها نسبه من الشمع الي تسد هالفراغات وتخلي البشره مسفلته وحلوه ،، جربته وهو حلو للاستعمال اليومي بس للحفلات اكيد يا كريولاين او ماك  بعد بيس سيفورا حلو ويرطب البشره بنفس الوقت  :: :: Eye Base and Primer والحين دور بيس وبرايمر العين واهو ينحط قبل الشدو والهدف منه يثبت الشدو ويطلع لونه اكثر واكثر مثل Eye Base MAC  وبعد في ناس تمدح وايد بيس اربن ديكاي بس ماجربته للامانه  وبيس العين من سيفوار  والطريقه :: انج توزعينه على كامل جفن العين الين الحاجب وتركيه ثواني الين يجف شوي وحاولي تسكرين عينج عشان يجف ومايخطط معاج وبعدها يصير تبتدين بتوزيع الشدو بس انا افضل تغطينه باللوز باودر قبل لا توزعين الشدو احب هالطريقه لانها تثبت الشدو اكثر واكثر والحين دور خلطات ترانيم السريه شلون تسوين برايمر وبيس العين الخاص فيج كل الي بتحتاجينه شغلتين اي كريم مرطب للعين او للبشره ( موسترايزر ) + اي كونسيلر عندج او فيج تستغنين عن الكونسيلر وتستخدمين ديرماكول بعد حلو الكريم المرطب  + الديرماكول   وحطو بكميه متساويه وخلطو عدل مدل الين تحسين خلاص انخلطو من قلب وبعدها وزعوه على الجفن كامل وتركيه شوي وبينشف وبتقولون لي ليش استخدمتي الكريم المرطب وليش ديرماكول؟؟ اول شغله :: الكريم المرطب والكونسيلر يعبترون من اهم مكونات بيس العين يدخلون في صنع بيس العين بنسبه كبيره استخدمت المرطب :: عشان اهو يرطب ويطلع اللون اكثر لان لو تجربون بتخلطون اي لون شدو باي كريم او فازلين تلاقين اللون يصقع وصاريبان اكثر فعشان جذي يستخدم المرطب في صناعته ليش انه يقوي اللون اكثر واستخدمت الكونسيلر او الديرماكول :: لاانه يغطي العيوب وبالذات الديرماكول وبنفس الوقت بيثب لج الشدو جوفوا بالصوره ترى انا حواجبي صايره عفييييسه ومخليه الشعر يطلع للعيد بس حطيت البيس وشلون البيس من غير ماحط الشدو حدد ورسم حاجبي وخفى الشعر الزايد وسفلت منظر العين اكثر  شرايكم بالنظره الشريره خخخخخخخخ جربوا بيعجكم =) =) ولا تنسون تدعون لي وبعد في شغله ثانيه للي يسالون عن الشغلات الي تثبت البيغمنتس او اي نوع شدو بودره عندج استخدمي MAC Pain pot  واهو عباره عن شدو كريمي خفييييف مجرد ماتوزعينه على جفنج يصير مات وينحط قبل البغمنتس عشان يثبت ويبرز لونه اكثر والبينت بوت يجيج بالوان وايد وله نوعين نوع الي بالعلب المدوره ونوع كانه تيوب ومعصاره صغيره وانا بصراحه ماجوف في فرق امبينهم اللهم المدور النسخه القديمه والمعصاره النسخه الديده بس ماك يبون يقصون علينا ساعات عبالهم هبل   وهاي النوع الثاني  المهم نرجع لموضوعنا بتلاقون منهم الوان تقريبا 6 الوان فيج تختارين الون الي تبين بس انصحج تختارين درجات الوردي واللؤلؤي و البيج لانها مابتقيدج باي لون بيغمنت تحطينه فوقه يعني اصرف لج بدال ما تشترين كذا لون وهاي شكله بعد ماتوزعينه على الجفن كامل  وبعدين حطي الشدو الي تبين فوقه بيطلع فولاااااااااااا واذا كنتي من النوع الي مالج في هالعباله كلها مافي اثبت من الالوان المااااائيه بالذات كريولاين وبناي  :: :: Make up fix spray والحين دور السبراي المثبت للميك اب بتكلم عن ثلاثه انواع بس ومثل ماقول كل ماركه عندهم من هالمثبتات وانتي والي ترتاحين عليه Kryolan fix spary  واهو يعتبر من اقوى الانواع وكل الماكيرات يستخدمونه والسبب في كون ماركه كريولاين ماركه قويه وشغلاتها ثابته في ان كونها اصلن هي ماركه للمكياج المسرحي باوروبا والدول الغربيه ويتم صنعها بالمانيه حالها حال بناي متخصصين بميك اب التلفزيون والمسارح واهو يحتاج لشغلات تدوم ساعات وتثبت اكثر وقت عشان جذي تلاقون كل برودكتاتهم قوووويه وثاااابته وتدوم لساعات طويله وبعد عندكم نوع ميك اب فور ايفر ماقط جربته ويمدحونه باليوتيوب  والطريقه :: السبراي المثبت سوا الي من كريولاين او الي من ميك اب فور ايفر نستخدمه بعد الميك اب وكخطوه اخيره تبعدين يدج شوه عن ويهج وترشين مابين 3-4 رشات من الفكس سبراي على كامل ويهج بحيث تحسين مثل رذاذ الماي الخفيف تلامس ويهج و خلج مغمضه مده ثواني الين ينشف وبس اما النوع الثالث ماك فكس بلس سبراي ( ماك فكس بلس )  وهالسبراي مختلف شويه لاانه له استخدامات اكثر شويه من السبراي العادي الي ذكرته توني لاانه اكثر مرن وفي نسبه اكثر من الماي فنقدر نخلط وبندع فيه اشيا وايد :: استخداماته:: • فنشنغ سبراي حاله حال كريولاين وميك اب فور ايفر نفس الطريقه الي ذكرتها لمن نخلص الميك اب كاخر خطوه نرشه عشان يثبت لنا الميك اب • ريفرشنغ سبراي :: ايام الحر والسفر والرطوبه العاليه ترشين منه تحسينه منعش ويترك البشره رطبه وفيها ماي بالذات للي يعانون من البشره الجافه • مثبت للحواجب :: نفس ماشرحت هذيج المره رشو الفكس سبراي على فرشاه الحاجب مالتكم وبعدين نسقوا الحاجب بيعطي سواد حلو لحواجبج وبيكون شكلهم مرتب وطبيييعي • ميكسينغ ميديم ( مثل محلول نستخدمه للخلط) خلكم معاي جوفو شنو استخدامته:: 1) الالوان الشدو البيغمنتس من اي ماركه سوا MAC- NYX-   وحتى اللشدو الساتن الي من ميك اب فور ايفر  لانه بيثبت اللاوان اكثر على جفنج ونصيحه يفضل تستخدمون الشدوShimmer ومخملي مو المات لان المات في غالب الاحيان مايساعد للخلط اما الاوان المخمليه تطلع حلاتها مع اي محلول زيتي او كريمي او مائي انشالله فهمتوا علي فهالنقطه 2) ماك فكس سبراي يحولج اي لون شدو الي ايلاينر خفيف 3) ماك فكس سبراي يحولج اي بلشر ويفضل اللمخملي والشمري مو المات الي لون شدو قوي ومركز 4) ماك فكس سبراي يحولج اي لون شدو عادي او بلشر الى اضاءه للوجه كامله ويعطيج نفس نتيجة هالمنتج من بنفت اسمه هاي بيم  واهو يعطي اضاءه حلوه للويه وبنفس الوقت طبيعي بنفس الطريقه الي شرحتها في موضوعي ( تبين تحطين ميك اب لزوجج بس جنج مو حاطه )) :: :: والحين دور شغله واااايد مهمه ويمكن في بنات وايد غافلين عنها واهو Sealer والسيلر اهو عباره عن قطره مثل قطور العين تقريبا واهو يعتبر مثبت للميك اب بس قوووووي نوعا و له استخدامات مهمه جدا في عالم الميك اب واغلب البنات مايعرفونها واهو تستخدمه كل ميك اب ارتست في شغلها واهم الانواع كريولاين سيلر  ميك اب فور ايفر اي سيلر  من بنفت واسمه ((شي لاج )) وتلاقونه بسيفورا وسعره 100 ريال وشي وتي معاه هالفراشي  ومن بناي بس ماقط جربته  والحين خلكم مع استخداماته :: • للكحل الكيك ::  اذا بتلاحظون اذا استخدمتوا الكيك ايلاينر مع ماي عادي بتحسين لونه باهت شوي ومافي لمعه الايلينر القلم او الجاهز السائل فهني اهم وظيييفه واستخدام للسيلر انه يستخدم للكيك ايلاينر بدال الماي لاانه يعطي لمعه وسواد احلى بواااااايد من الماي والاحلى من ذي كله انه يخليه ثابت ونو واي يطير الا اذا غسلتيه او مسحتيه بمزيل المكياج الطريقه :: تقطرين فيه قطره بعلبه فاضيه وتمررين فرشاه رسم الايلينر عليه يعني استخدميه بدل الماي • السيلر يحولج اي لون شادو سوا كان مات – او باودر( بغمنتس او ساتن البودره ) إلى ايلاينر قووي ولونه قووووي ومايطير يعني جنج حاطه ايلاينر 100% وهني سويت لكم مقارنه بين السيلر وبين الماي العادي  جوفو الي بلماي صاير املح وباهت والي بالسيلر صاير قوي وسواده حلو مع اني مستخدمه ايلاينر بني ( سامحوني اذا الفرق موواضح بس كاميرتي تعبانه وفلاشها قوي عشان جذي مو مبين ) واهني مقارنه ثانيه بين السيلر وبين الفكس سبراي وشلون حولوا الشدو المائي الى ايلاينر    • مثبت للجلتر   وانا لاحظت بنات وايد يسالون عن هالشغله ان شلون يتم الجلتر ثابت على العين ؟؟؟ هاي السر ليش انه اغلب الميك اب ارتست يسنخدمونه لاان اذا لاحظتو اذا استخدمتوا جلتر من غير مثبت ودايركت على الشدو مابيلصق وشويه وبنص الحفله تلاقين الجلتر طاحو على رموشج خخخخخ عدل !! كل الي بتحاتجينه صبعج و اسفنجه شدو قطري قطره صغيره ولاتغطيها في الجلتر لاانه بيلق في الفرشاه فحطي على الاسفنجه وبعدين مرري على جفنج مقلن وبعدين بفسفنجه ثانيه او باصبعج حطي الجلتر فوقه  او بالفرشاه اذا تبين تسوين ايلاينر بلمعه جلترز  بيطلع حلو نقس هالصوره  وبعدين حطي على الشدو وجوفي بيتم ثابت ،،  جربواااا ويالذات كريولاين استخدامي ماغير عنه ابد • مكسنغ مديم قوي نوعا ما وساعات يكون ودج بلون شدو قوي ويصقع ماعليج الا تمررين الفرشه او الاسفنجه بالسيلر ومن بعدها باللون وحطي على جفنج تلاقين اللون صار مرتين اكثر واقوى واللون احلى بس في عيب واحد انه اهو من قوته من بعد مايجف الشدو صعب من قلب انج تدمجين الشدو لانه بيصير ثااابت فاذا تبين تدمجين دمجي قبل لا يجف السيلر وعلعموووم مانصحكم به وايد للشدو لاانه قوي اللهم للمعات والجلتر انصحكم به :: :: ماك مكسنغ ميديم  من اسمه اهو وسيط للمكس يعني اذا عندج لونين تبين تمكسينهم حطي قطره منه وبيعطج مكس حلو او فيج تحطينه على اي شدو وبيعطيج اللون اقوى واثبت واهو عموما يستخدم لااي شي تبين تخلطييينه واي شي تبين لونه يصير اقوى واثبت استخدامته :: • مثبت للجلترز حلو اذا تبين تحطين جلتر على الشدو بس بالنسبه لي احب استخدم السيلر لاانه اثبت اكثر منه  • لجميع انواع الشدوز والبغمنت والساتن كولورز يعني اذا عندج لون وتبينه يصقع حطي عليه قطره وجوفي شلون بيصير حلو جوفو معاي بلصور شلون الالوان البيغمنت صارو اقوى واثبت  
الي عليمين مع المكسنغ ميديم واليسار اللون عادي من غير اضافات  • يحولج اي لون شادو إلى كحل فلود وسائل ونفس الفكره تحطين قطره وبيحولج اللون لايلينر واذا تبين تقدرين تسوينه وهو سهل ومكوناته بسيطه وسهله لاان من اسمه واتر مكسنغ ميديم والمكون الاساسي اهو الماااااااااااااي فكل الي بتحتاجينه :: ماي + جلسرين سائل  مكسوهم مع بعض وخلوهم بغرشه مثل هاذي او اي غرشه او علبه عندكم وكل مابغيتو حطو بلعلبه الي تبون تمكسون فيها وترى قطره او رشه وحده كفااااااااايه لا تزيدون وهني سويت لكم مقارنه بين ماك فكس سبراي وبين المكسنغ ميديم الي سويته بالبيت  وبجذي خلص موضوعي عن المثبتااااات وفديتكم ارجع واقول في ماركات وايد بس انا عرضت الي جربتهم وامدحهم لكم وسامحوني في انواع وشغلات اكثر بس حاولت قدر الامكان اختصر واجيب من الاخر على قوله المصرين والي عندها افكار وشغلات جربتها لا تبخل علينا اكيييد وانشالله استفدتوا وموضوعي عجبكم ولا تنسوووون التقيم والردود السنعه الي تبرد الجوف ومااااااااابي اشوف المشاهدات اكثر من الردود اختكم مدمنة الميك اب :: دآني :: الميك اب ارتست :: ساميه الصالح ::  المصدر: عروس الرياض النسائية lefjhj hgld; hf >> hgl;dh[ 
|
|
|
    
|
|
11-14-2010, 05:02 PM
|
#6 | |
|
ღ عروس جديدة ..
|
موضوعك رائع وجميل للغايه
تسلمي |
|
|
سعيـــــــــــــــــــــــده حتى لو كان قلبـــــــــــــي (يعاني) يكفيني أحلم لا يأست ويكفيني بعض الأمانــــــــــــــــــــــي
|
|
| مواقع النشر (المفضلة) |
| الكلمات الدليلية (Tags - تاق ) |
| مثبتات, الميك اب, المكياج |
| أدوات الموضوع | |
| طريقة عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر رد |
| جميع ماركات المكياج بالصور لكي تحسني الآختيار | دموع ملكه | مكياج العروس - نصائح للمكياج - دورات مكياج - خبيرات تجميل | 10 | 07-25-2011 01:51 PM |
| اخر ستايل الميك اب في 2010 | ← دآنـ♥ـي •● | مكياج العروس - نصائح للمكياج - دورات مكياج - خبيرات تجميل | 9 | 06-10-2011 08:38 AM |
| خلآصه دوره مكياج ( أساسيات المكياج و الفرش ) | ← دآنـ♥ـي •● | مكياج العروس - نصائح للمكياج - دورات مكياج - خبيرات تجميل | 5 | 12-02-2010 02:29 PM |
| مصطلحات تهمك في عالم المكياج | عروسة مودي | مكياج العروس - نصائح للمكياج - دورات مكياج - خبيرات تجميل | 5 | 12-02-2010 02:29 PM |
| تعاالوووشووفوااالفرق بين الميك اب الخليجي والغربي؟!! | شمووووخ طفلة | مكياج العروس - نصائح للمكياج - دورات مكياج - خبيرات تجميل | 5 | 12-02-2010 02:29 PM |
|
|
| | | عروس الرياض | | | حساب الحمل والولادة | | | عالم حواء | | | إكسسوارات 2011 | | | مطبخ 2011 | | | العناية بالشعر و الجسم | | | برنامج العروس | | |
| | | جوال عروس الرياض | | | محول التاريخ | | | عطور 2011 | | | طقاقات | | | أزياء 2011 | | | ملابس داخلية 2011 | | | فساتين زواج 2011 | | |
| | | متاجر عروس الرياض | | | الترجمة | | | ملابس بيت 2011 | | | اثاث 2011 | | | زفات 2011 | | | رغد الوزان | | | تجهيز العروس | | |
| | | بطاقات عروس الرياض | | | فواصل المنتديات | | | رجيم 2011 | | | فساتين 2011 | | | حلويات | | | لين الصعيدي | | | بودرة جسم | | |
| | | العاب عروس الرياض | | | القرأن الكريم | | | مجوهرات 2011 | | | نقش و حناء | | | عروس 2011 | | | ديمة بشار | | | خريطة الموقع | | |
| | | دي جي المدينة | | | قاعات المدينة | | | المدينة | | | اسرار البيك | | | المدينة | | | عروس المدينة | | | مشاغل المدينة | | |
عروس عروس الرياض رجيم ازياء فساتين زفات اكسسوارات طقاقات لانقري ازياء سهرات البشرة مكياج استفسار مول وظائف نسائية شهر العسل صحتي سكر بنات قروب سكر بنات حياة بنات عالمها سيدتي sitemap تسريحات 2011 حوامل وظائف نسائية مول بنات سوق حواء مول نسائي ماكياج 2011 رجيم سريع الدورة الشهرية لانقري 2012 حنايات زفات بدون موسيقى اكسسوارات 2011 فساتين 2011 أزياء نجدية عروس نجد بنات نجد نجديات النسائية
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54
العرض العادي
