اخر ستايل الميك اب في 2010

الميك اب , ستايل

مرحبا خواتي بنات منتدى عروس الرياض النسائية

فديت هلمنتدى عسل على قلبي والله لو شنو يكون عندي دوم ابالي واشتاق لكم



من بعد غيبه طويله رجعت لكم بس قبل كل ذي حبيت اشكر خواتي الي كتبوا عني بالمنتدى



حبيت ارجع لكم بموضوع حلو وخفيف ويفيد كل وحده حابه اتكون ستايل وتعيش كل موضه بوقتها وعشان جذي نزلت هالموضوع وبالصور اكيد وان لقيت تشجيع باذن الله راح انزل اجزاء ثانيه منه


دايما موضه المكياج تتغير بين فتره وفتره وهي تنطلق من عروض الازياء واختيار الميك اب ارتست للاين معين يعني مثلا السنه الي طافت والي قبلها كانت موضه السكستيز والسفنتيز وبما فيهم من ايلاينر عريض ورجوع لروج الاحمر بقووووه



وكما هو الحال بعد تغيرت هالموضه شويه واقدر اقسم لكم مكياج 2010 الي 3 انواع اعتمدوها الميك اب ارتست في عروض الازياء من نهايه 2009 ومازلت مستمره الي بدايه 2011 انشالله


Trend no. 1

Disco make up

رجعت موضه الثمانينيات


هالسنه تم التركيز على موضه الثمانينات بكل مافيها وفتره الثمانينات كانت معروفه ب فتره الديسكووو واهو الفتره الي طلعت فيها مادونا ومايكل جاكسون والكل يذكر ستايلهم اول ماطلعوا خخخخخخخ










وعشان جذي يسمونه الديسكووو ميك اب

واهو معروف اول شي ::

1- انه الميك اب مسحوب :: يعني قبل كم سنه كان موضه الميك اب المدور والحين صارت موضه السحبه الى برع الحاجب وبالوان واضحه وقويه واهو نفسه الميك اب الي نسميه بالخليج اللوك المسحوب


























وانا اقول ان العرب يجيدون المسحوب اكثر ونسويه بطريقه احلى مثل ::




2- الوانه قويه وصارخه ومتضاربه :: قبل كم سنه كنا دايما نحط الالوان الحياديه مثل وردي وبنفسجي على العين اما هالسنه فاهو موضه االتضارب في الاوان يعني مثلا برتقالي وفوشيا وردي وازرق والوان ميتالك مثل فضي ولا ذهبي معدني ووووو من الالوان الصارخه والمتضاربه بس بنفس الوقت تحسين اللوك حلو مو يلا عباس على دباس خخخ فاهمين علي شاقصد صح !!!






























3- البلشر :: بعد يكون اوفر وبالوان واضحه وقويه مو نفس قبل كله الوان ناتشرال




4- الجلترز :: والي ميز هالفتره اهو استخدامهم للجلترز بكثره وبختلاف الالوان










5- رجوع موضه الحاجب العريض :: ومن ابرز سمات مكياج الثمانينات اهو الحواجب العريضه مثل حواجب مادونا وبروك شيلدز وووو على ايام قبل

















والي حواجبها جذي



اقولها سوري دير بس كح كح كح غبره




6- لون الروج فاااااقع وفلاشي من الاحمر والماروني والفوشي والاورنج ووووووو




















Trend no .2
الموضه الثانيه اهيا ال Nude Make-up


واهو اصعب شوي من ستايل الثمانينات ليش انه يتطلب بشره نضيفه وخاليه من العيوب تقريبا عشان يطلع عليج بيرفكت واهو اكثر اللوكات انوثه وناشرال وانا واااااايد احبه وهاللوك يشترط عليج انج ماتستخدمين غير بنيات وبيجيات ورديات عشان تطلعين بلوك طبيعي
واهو على فكره بعد قديم يعني كلش مو اختراع يديد








واكثر شي يعجبني بهاللوك اهو الروج الي يسمونه النود ليب ستك او الروج العاري الي جنج مو حاطه وايد يعجبني ويكبر الشفايف وايد مع اني دايم احبه واحطه وامي اتطنز تقولي ليش جي جنج ميته روحي عدلي روجج خخخخخخ واتم طبعا سنه اشرح انه اللوك جذي يام احمد





المهم حبايبي خلكم مع اللوكات حطيت شغلات متنوعه من الرن واي بالعروض وبعدين جوفوا امثله شلون تطبقون عليها مثلا بسموكي عالعين او اي شدو تحبونه بس اهم شي يكون الروج بيييييييييييييييييييييج


































































نصيحه للمتزوجات ترى اهو وايد حلو للبيت وجذي وايد ناعم حتى حق السفر خفيف وماتحسين ويهج ملفد وعليه ستين الف شغله




Trend no. 3
Dewy look


اهو اللوك الرطب – او لمعه الماي – لمعه البلاستك – لمعه الزجاج – لمعه الفازلين خخخخ ماتم شي ماسموه
اي نسيت يسمونه لوك بنات جامعه قطر خخخخخخخخخخخخخخ ( سمعت ناس كشيخه هناك خاطري اروح اجوف )



اهو سهل جدا جدا جدا ومايحتاج هالتعقيد كله والي تبي تقيم موضوعي عشان انزل الطريقه ستب باي ستب خخخخخ ... نذله هاه


المهم الحلو في هاللوك انه طبيعي ويبين ان البشره فرش وطازه ونضره ومشرقه ويكون الاساس خفييييف وناشرال ويعتمد على اللمعه الي تبين الميك اب كانه رطب وانا وااااااااايد احبه بالذات للنهار ولا يمعه ولا زياره يطلع واو وحتى بالسفر بعد حلو بس كلش مانصحه للحفلات وفصل الصيف بالذات

خلكم مع هالجم لوك




























بس جذي يمعت لكم اكثر الشغلات الي بعالم الميك اب الي صايره موضه وكل وحده تجوف الي يناسبها ومو شرط كل موضه تصلح لنا وعلى فكره مو شرط اتقيدين بستايل معين فيج تجمعين بين كذا ستايل بمكياج واحد وتكونين على الموضه


جوفي مثلن هلميك اب جامعين فيه بين مكياج الثمانينات بالشدو المسحوب والالوان القويه الميتالك والحواجب العريضه واساس البشره مخلينه ستايل رطب والشفايف على اللوك النود




وانشالله يعجبكم موضوعي وان لقيت تشجيع نزلت بارت تو بس يعتمد علردوود



لكم احلى واجمل تحياتي

الميك اب ارتست :: ساميه الصالح ::

المصدر: عروس الرياض النسائية